پنجاب سے دہشت گردی کا خاتمہ کرنے والے سابق ڈی جی پی کے پی ایس گل کا انتقال

پنجاب سے دہشت گردی کا خاتمہ کرنے والے ریاست کے سابق پولیس ڈائریکٹر جنرل کے پی ایس گل کا 82 سال کی عمر میں انتقال ہو گیا ہے۔ ان کا انتقال دہلی کے سری گنگا رام اسپتال میں انتقال ہو ا۔ ڈاکٹروں کے مطابق کے پی ایس گل کے دونوں گردے ناکام ہوچکے تھی اور وہ آخری اسٹیج پر تھے۔ ڈاکٹروں نے بتایا کہ گل کے دل کا بھی علاج چل رہا تھا۔ گل دو مرتبہ پنجاب کے ڈی جی پی رہ چکے تھے۔ انہیں اپنی سخت مزاجی اور پنجاب میں علیحدگی پسندی پر قابو پانے کے لئے جانا



جاتا تھا۔

پولیس سروس سے ریٹائر ہونے کے بعد گل کو انڈین ہاکی فیڈریشن کا صدر بنایا گیا تھا ۔ گل 1995 میں پولیس فورس سے ریٹائر ہوئے تھے۔ اس سے پہلے وہ دو مرتبہ پنجاب کے پولیس ڈائریکٹر جنرل بنائے جا چکے تھے۔

پنجاب میں خالصتانی دہشت گردوں کا خاتمہ کرنے میں گل نے اہم کردار ادا کیا تھا۔ خالصتانی دہشت گردوں کی ناکامیوں کی وجہ سے ہی انہیں 'سپركوپ کے نام سے جانا جاتا ہے۔ سال 1989 میں گل کو بھارت کے چوتھے سب سے بڑے سول اعزاز 'پدم شری سے نوازا گیا تھا۔